بتحصل كتير للامهات الجديدة , اسباب رفض الطفل للرضاعة الطبيعية
الرضاعة الطبيعية دى حاجة ربنا سبحانه و تعالى
بيحطها فى فطرة الطفل الصغير اما بيولد و العادى
و المفروض ان الام بمجرد ما تولد و بعد ٤ او ٦ ساعات
بالكتير تضع مولودها على صدرها و يقوم الطفل بالرضاعة
بس احيانا بيحدث ان الطفل بيرفض الرضاعة الطبيعية
طب ايه اسباب الموضوع ده اول سبب ان وضع الرضاعة
من الاساس يكون غلط يعنى الام بتمسك الطفل و
تديله صدرها بطريقة غلط فمش بيبقى عارف يمسك
الحلمة و يرضع او السبب تانى هو ان صدر الام ميكونش
لسة فيه لبن و الطفل جعان يجى يسحب من الصدر
يلاقيه فاضى فيرفضه و اخر سبب انه يكون طعم الصدر
فيه حاجة يعنى مثلا الام حطة برفان او كريم و جه على
منطقة الصدر و بالتالى غير طعم الصدر فى فم الطفل كل
دى حاجات لازم اى ام جديدة تاخد بالها منها فى اول الايام
