اوقات كتير بنبقى عايزين حاجة حلوة للاطفال او حتى لينا احنا بس بنكسل عشان بنولع
الفرن
وبنستحدم مكونات كتير وبتاخد وقت ومجهود عشان كده بنكسل نعمل حلويات لكن النهاردة
معانا هتتعلمى تعملى حاجة حلوة وسريعة وهتعجب الجميع هنعلمك تعملى التشيز كيك
بطريقة سهلة وسريعة عشان تحلى وماتاخديش وقت ولا مجهود وتسعدى اطفالك وتفرحيهم
يعتبر التشيز كيك من الحلويات السهلة والمفيدة لصحتك ولصحة طفلك فى نفس الوقت لانها
بتحتوى على الكالسيوم والبروتينات المهمة لصحة الجسم وبنستخدمها كاساس للضيافة فى
المناسبات واعياد الميلاد لانها لذيذة ومحببة للجميع عشان كده جبنالكم النهاردة اسهل طريقة
لعمل تشيز كيك هنجيب 8 مثلثات جبنة وعلبتين من كريمة الخفق ونصف كوب سكر وعلبة
بسكوت
شاى مطحون وقطعتين زبدة بنحط البسكوت فى الخلاط مع الزبدة لضمان تفتيته وخلطه مع الزبدة
وبعدين نحط البسكوت المفتت فى قالب البايركس ونوزعه كويس فى الصينية ونضغطه كويس عشان
يتماسك ونحطه فى الفريزر لمدة ربع ساعة وبعدين نحط الكريمةوالجبنة والسكر فى الخلاط مع ربع
كوب من الماء حتى يتماسك الخليط ويصبح كثيف القوام وبعدين نحط الكريمة على البسكوت ونغطى
الوجه باى فاكهة لذيذة وندخلها التلاجة لمدة ست ساعات عشان تتماسك وبعدين نقطعها ونقدمها
اسهل طريقة لعمل التشيز كيك
لو ليكى فى الحلو تعالى شوفى اللى عندنا
اسهل الطرق لعمل التشيز كيك
