هى اللى بتحسسنى بالعيد , تكبيرات العيد الاضحى
العيد هو اللى بيفرح الناس بتستنى من السنة
للسنة عشان ايام العيد اللى كلها بركة و فرحة و
طبعا فرحة عيد الاضحى بتبقى متمركزة كلها
حول الاضحية و الدبح و طبعا كلنا عارفين اد ايه
ثواب الاضحية كبير و اعطاء اللحمة للفقراء عشان
يفرحوا و اكتر حاجة بجد بتحسس الانسان بجد
بالعيد هى تكبيرات العيد فالانسان بيسمع تكبيرات
العيد جسمه كله بيقشعر و بيحس انه فرحان اوى
ان العيد جه و طبعا لازم نبقى حافظين التكبيرات دى
و نعلمها لاطفالنا من صغرهم و بنلاقى فى الحضانات
بيعلموا الاطفال الصغيرين التكبير و بيعملولهم مجسم
زى الكعبة و بيعلموهم مناسك الحج و بيحكولهم
حكاية سيدنا ابراهيم و سيدنا اسماعيل و لازم نفضل
متمسكين بالمناسك دى و بالحاجات دى و ننقلها من
جيل الى جيل فهو فى الاول ديننا و كمان تراثنا و لازم
نحافظ عليه و نفتخر بيه امام العالم كله
