لذيذة جدا و سهلة جدا , طريقة الكفتة بالفرن
الكفتة اهم حاجة فيها التتبيلة الاول ناخد بصلتين
كبار نبشرهم فى المبشرة و ناخد الماية بتاعة
البصل نحطها على اللحمة المفرومة و نحط معلقة
صلصلة طماطم و احط الملح و الفلفل الاسود و توابل
اللحمة و اعجنها شوية بالايد و بعد كده الاحسن
انى اسبها فى التلاجة شوية مش اقل من ساعتين
تلاتة و الافضل لو قعدت اليوم كله و بعد كده اشكلها فى
صنية مدهونة سمنة او زيت اشكلها كور و احطها فى
الفرن على درجة ١٨٠ فى نص الفرن مش اقل من نص
ساعة و مش اكتر من ساعة الا ربع و اول ما تطلع اكون
محضرة فحمة مولعة و احطها على حتة فويل صغيرة
و احط عليها نقط زيت و بعد كده اغطى الصنية بورق
فويل عشان الكفتة تلقط ريحة الفحم و سيبها على
ربع ساعة و بعد كده تكون الكفتة
جاهزة للتقديم اكنها مشوية على الفحم
