منوعات حزن و الم صور وفوائد جميلة

كلام عن 6 اكتوبر , انتصارات حرب اكتوبر ,

كلام عن 6 اكتوبر- انتصارات حرب اكتوبر- Unnamed File 110 300X157 1

اليكم بهذه المقاله سوف نتحدث عن حرب اكتوبر.

 

ابتدت الحرب لما هجمت مصر و سوريا فجأة على اسرائيل فى ضهرية يوم 6 اكتوبر
سنة 1973 و كان

 

بيوافق يوم 10 رمضان و يوم الغفران (يوم كيبور بالعبري) اهم عيد عند اليهود. فى
اليوم ده خرجت 222

 

طياره مصريه من مطاراتها و دكت مواقع الجيش الإسرائيلى و مراكز قيادته و اتصالاته فى
سينا بدقه

 

كبيره فى حدود 20 دقيقه و رجعت لقواعدها بخساير بسيطه ، و ضربت مئات المدافع
المصريه تحصينات خط

 

برليف فى الناحيه الشرقيه من قناة السويس بمعدل قذيفه كل ثانيه و نص ، و
عدى 30 الف عسكرى مصرى

 

قناة السويس فى 2500 مركب مطاطى تحت هدير المدافع بمعدل موجة عبور كل 15 دقيقه.
اسرائيل كانت

 

حطت مواسير لكب نابالم فى ماية القنال لتوليعها بالنار فى حالة نزول قوات مصريه فى
القناه ، لكن المواسير دى

 

سدت فتحاتها قوات خاصه بالليل قبل ماتقوم الحرب ، و اترفع علم مصر على قمة
خط برليف ، و بعد ما قامت

 

قوات خاصه بعمل فتحات فى ساتر خط برليف و اتحطت الكبارى عدت القوات البريه بالدبابات
البريه و البرمائيه و

 

المدرعات و المشاه. اتزال من رملة خط برليف 3 مليون متر مكعب. عمل ثغرات فى
خط برليف ماكانتش عمليه

 

سهله فالخط ده كان عباره عن تل رملى عالى مدعم بصخر و حديد بيمتد على
طول الجبهه. المصريين عملو

 

تجارب كتيره عشان يوصلو لطريقه سريعه تمكنهم من عمل فتحات فيه قدام الكبارى عشان تعدى
الدبابات و

 

المصفحات و العربيات و الاسلحه التقيله ، و جربو كذا طريقه كان منها استخدام الديناميت
لكن مهندس مصرى

 

قبطى كان مقدم فى الجيش اسمه باقى زكى ياقوت قدر يتوصل لفكرة عبقريه و هى
ازالة الرمله و عمل فتحات

 

عن طريق تجريف رملة فى الاماكن المطلوب عمل فتحات فيها بإستخدام مضخات بتسحب المايه من
قناة السويس

 

لمدة 8 ساعات اتصدى عسكر مصر على ضفة القناه الشرقيه للدبابات و المدرعات الاسرائيليه لغاية
ما اتحط

 

60 كوبرى عدت عليها الاسلحه التقيله. فى نفس الغضون نزلت قوات مصريه خاصه و را
الخطوط الاسرائيليه و

 

جوه سينا عشان توقف تقدم القوات الاسرائبيه و تأمن المضايق جوه سينا. على الساعه اربعه
بعد الضهر ابتدت

 

الطيارات الاسرائيليه تظهر فى سما المعركه لضرب القوات المصريه اللى عدت القناه و تدمير الكبارى
و غيرها لكن

 

طوالى وضح للطيارين الاسرائيليين ان مهمتهم مش بالسهوله اللى اتخيلوها و ادركو ان دفاع مصر
الجوى

 

اقوى مما كانو عارفين. جدار الصواريخ المضاده للطيارات من طراز ” سام ” قدر يوقع
طيارات كتيره و يحيد السلاح

 

الجوى الإسرائيلى على خط القناه لعمق 15 كيلومتر و يخليه سلاح مالهوش قيمه فى جبهة
القتال. فضل عسكر

 

مصر يعدوا القناه و وقع فى ايديهم 22 موقع دفاعى اسرائيلى و 26 نقطه محصنه
مساحة كل نقطه 4000

 

متر و كان فى كل نقطه 26 دشمه للمتريوزات و مرابض للدبابات و المدافع الارضيه
و 24 عنبر للعساكر

 

الاسرائليين. كل نقطه من دول كانت متصله بمراكز القياده و بالنقط التانيه. لمدة 4 تيام
القياده الاسرائيليه

 

ضاع منها السيطره على عساكرها فى جبهة القنال بسبب قطع الاتصالات و مع مرور الوقت
قامت معارك شرسه.

 

الدبابات الاسرائيليه هى كمان واجهت صعوبات كبيره ، فبعد عبور الجيش المصرى للقناه ابتدت الدبابات

 

الاسرائيليه تتدفق فى اتجاه خط النار و هما فاكرين انهم ممكن يزحفو على المصريين.

 

 

كلام عن 6 اكتوبر, انتصارات حرب اكتوبر.

 

 

كلام عن 6 اكتوبر- انتصارات حرب اكتوبر- Unnamed File 110

 

 

 

السابق
فساتين عيد , اجمل فساتين العيد للاطفال ,
التالي
اعراض نقص فيتامين B9 , اهميه فيتامين B9 ,