سهل خالص مفهوش اى مجهود , اسهل طريقة لتحضير الكريب
الكريب من اسهل و احلى و الذ الاكلات على وجه
الاطلاق مفيش حد مش بيحبه و احلى حاجة فيه انك
تقدر تغير فيه زى ما انت عايز يعنى ينفع تعمليه بالفراخ
و ينفع تعمليه بالبسطرمة و الجبن و ينفع تعمليه بالشكولاتة
و ينفع تعمليه بالفواكه اى حاجة عيودواها و عجينة
الكريب ثابتة اما الحشو هى المتغيرة و اوعى تفتكرى
ان الكريب صعب يتعمل فى البيت لا ابدا ده سهل
جدا اول حاجة هتجيبى كبق بلاستيك غويط و تحطى
فيه دقيق و لبن و بيض و فلفل اسود و ملح لو هتعمليه
حادق و لو هتعمليه حلو تحطى كيس فانيليا و تخلطى
كل المكونات دى بالمضرب السلك و بعد كده تجيب طاسة و
الاحسن تكون طاسة المريب مخصوص و تحطى فيها
نقطة زيت و تحطى عجينة الكريب بالمغرفة ولما الوش
يتحمر تقلبى الجنب التانى و هكذا لحد ما تخلصى كل الكمية
